كلمات اغاني محمد الامين

استعرض الموضوع السابق استعرض الموضوع التالي اذهب الى الأسفل

كلمات اغاني محمد الامين

مُساهمة  Admin في الأحد يوليو 29, 2012 9:32 am



حلم الاماسي: الشاعر د. عمر محمد خالد
انتى مهما تغيبى عنى
اصلو مابتفوتى منى
عايشه فيا ساكنه جواى
فى خواطرى فى مشاعرى
فى تسابيحى وغناى
زى فرح ماليهو اخر
وشوق سنين لزول مسافر
راجى الزمن فى يوم يجيبو
لديارو ولحبيبو
والفريق يفرح يغنى
انتى مهما تغيبى عنى
اصلو مابتفوتى منى
فى عيونك شايله اكوان
من براءة ومن محنه
وعزه تشرب من معزه
ومن تراثنا ومن اصلنا
و وعد غرقان فى نداهو
وزحمة اطفال جوه جنه
وزول بيحلم بالعديله
وفرحة الريد الطويله
ناس تجيهو تغنى ليهو
ناس تبارك وناس تهنئ
انتى مهما تغيبى عنى
اصلو مابتفوتى منى
وتبقى ياحلم الاماسى
شمعه ضاويه فى كل دار
وزهره فى كل المواسم
كل يوم بزيد نضار
تهفو ليك الامنيات
وتزهو بيك الامسيات
وبيك تفرح وليك تغنى
انتى مهما تغيبى عنى
اصلو مابتفوتى منى


خمسة سنين: الشاعر: د. عمر محمود خالد
خمسة سنين معاك يا زينة الأيام
يا نوّارة الحلوين مرّت حِلوة زي أنسام
وزي أحلام صبيّة نديّة، زي ياسمين
وزي لهفة بعيد مشتاق
يلاقي أحبّته الغايبن
خمسة سنين
ودرب الريد معاك أخضر
خمسة سنين، بريدك كل يوم أكتر
أحاول مرّة بس أنساك
عشان يا غالية أتذّكر
أجي وألقاك، ديمة معاي
وألقى هواك ملك دنياي
وفي أعماقي إتحكّّر







عويناتك: الشاعر: د. مبارك بشير
اقول ليها عويناتك ترع لولي وبحار ياقوت
مناحات ريد حزاينيه بغازل فيها مأساتي
وفي شرف العبور ليها بموت واكسر شراعاتي
تقول لي غناك حزين غناي حزين
وانا الواهب قصائدي الباكيه للفرحه
وانا البديها شان ريدي وصباي طرحه
قول ليها عويناتك زي سواد قدري
مكحله عمري من بدري
لو بقدر اسافر في بريق لحظك وما ارجع
تقول لي خايفاك تتوجع واتوجع
اقول ليها عويناتك ديار وعدي
مسوره بي جدار صمتك
عذابي معاك بريدك قبل ما اعرفك
ولو بقدر اشيل من الزمن وقتي
بموت في لحظه واوهب ليك عقاب عمري
avatar
Admin
Admin

المساهمات : 94
تاريخ التسجيل : 28/07/2012

معاينة صفحة البيانات الشخصي للعضو http://alsogia.ahlamountada.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى